Layihə cəmiyyət üçün faydalı olacaq

           Layihəmiz uğurla davam edir.

                                             

                                                                                                            

                                         

                                        

                                       

Azərbaycan Respublikası Təhsil Nazirliyinin Təhsildə inkişaf və innovasiyalar üzrə  1-ci  Qrant müsabiqəsinin qalibi "Şagirdlərin imtahanöncəsi  psixoloji gərginliyinin azaldılmasına dəstək"  layihəsi çərçivəsində 26.10.2017-ci il tarixdə  İsmayıllı şəhər İ.Həsənov adına 1 saylı tam orta məktəbində layihə rəhbəri P.Piriyeva və məktəbin psixoloqu Mehriban Quliyeva tərəfindən 11-ci sinif şagirdləri ilə yazılı  psixoloji sorğu keçirildi.Sorğu  abituriyentlərin təşviş və həyəcanının ilkin diaqnostikasının təyin edilməsi məzmununda aparıldı. Respublikamızda təhsil sahəsində aktual mövzulardan biri  olan  imtahanqabağı stress,qayğılar, depressiya, yorğunluq, gərginlik abituriyentlərin  üzləşdiyi əsas problemlərdən biridir. Hər il orta məktəb məzunlarının təxminən 70 faizi (abituriyent) ali və orta ixtisas məktəblərinə qəbul olmaq üçün imtahan verir. Bu zaman  abituriyentlərin  "ailə  içindəki məsuliyyəti" daha  çox artır. Onlar  imtahanı necə verəcəkləri haqqında  deyil, ailədə valideyinlər  tərəfindən , məktəbdə  müəllimlər  tərəfindən nəticələrin necə qarşılanacağı   haqqında daha  çox  düşünürlər  və  bu da  abituriyentlərin imtahanda göstərdiyi nəticələrə mənfi təsirsiz ötüşmür. Bəzi abituriyentlər imtahanı həyatlarının həlledici mərhələsi sayırlar və ali məktəbə qəbul ola bilməmək qorxusu onların psixoloji durumunda dominantlıq(üstünlük)təşkil edir.Bu məqsədlə aparılan diaqnostik sorğunun nəticələrinə əsasən abituriyentlərin həyəcan və təşviş səviyyəsi psixoloq tərəfindən yoxlanılıb təyin edildikdən sonra şagirdlər təlimlərə cəlb olunacaqlar.